Mar 31

bakit nga ba ikaw ang mahal ko????

bibilangin ko ang mga dahilan at ipapaalam ko sa iyo:

una: iniibig kita kahit magkaiba tayo ng mga gusto (pelikula, pagkain, isports, kinasanayang ugali at marami pang iba)

pangalawa: iniibig kita kahit huli ako lagi sa listahan ng iyong mga prioridad (alam ko namang trabaho muna bago ako)

pangatlo: iniibig kita kahit napakastrikto mo (lalo na pagdating sa pagkain - huwag magaksaya…maraming taong nagugutom sa mundo)

pang-apat: iniibig kita hindi dahil sa katayuan mo sa buhay (e ano kung maganda ang trabaho mo??? meron din naman ako)

pang-lima: iniibig kita dahil marami akong natutunan sa iyo (napaka-intelektwal na tao)

pang-anim: iniibig kita dahil inaalagaan mo ako (hindi ka man parati sa tabi ko, pero nararamdaman ko)

pang-pito: iniibig kita kapag yakap-yakap mo ako (pakiramdam ko ligtas ako lagi sa tabi mo)

pang-walo: iniibig kita kahit hindi natin napaguusapan ang mga personal na bagay (alam na naman kasi natin yun. ang nakaraan ay hindi mahalaga!)

pang-syam: iniibig kita dahil ginagawan mo ng paraan na magustuhan ang mga hilig ko.

pang-sampu: mahal na mahal kita kahit hindi ko pa naririnig ang mga salitang matagal ko ng gustong marinig mula sa iyo. ang mga ipinapakita mo ay higit pang matimbang kaysa mga salita na iniibig ko. marami man tayong pagkakaiba ay hindi ko na alintana, marahil isa iyon sa mga nagustuhan ko. ang natural na amoy mo, ang mukha mo kapag natutulog ka sa braso ko, ang yakap pagnanonood tayo ng pelikula, ang magulo mong malaking  kwarto, ang halik sa noo, ang veranda, ang tubig sa baso…lahat ng ukol sa iyo ay iniibig ko. hindi ko na nanaisin pa na humanap ng iba, ikaw lang ay sobra sobra na, hindi ko alam kung hanggang kelan itong pagibig na nararamdaman ko, ang alam ko lamang ay ‘hanggang nandyan ka sa tabi ko patuloy akong magmamahal sa iyo’.