Archive for April 2nd, 2010
Ang Magulang Baw!
April 2nd, 2010 Posted 4:12 pm
Bilang magulang, responsibilidad natin na ibigay ang lahat ng mga pangangailangan ng ating mga anak. Kasama na dyan ang edukasyon, bahay, damit, pagkain, pagkalinga at pagmamahal. Minsan may mga pagkakataon na parang gusto mo ng sumuko dahil parang hinde mo na kayang solusyunan ang mga problema pero hinde mo magawa dahil may mga anak kang nakadepende sayo. Sa paningin nila isa kang superhero, na kayang gawin ang lahat! Ang hindi nila alam, tao ka lang din na nanghihina kapag may pagsubok na dumarating.
Ngayong isa na akong magulang, napagtanto ko na tama pala ang mga sinabi ng nanay ko nung ako’y bata pa. Sabi nia, “darating ang panahon na ulo mo naman ang sasakit pag me mga anak ka na!” Tama nga si mama, masakit nga sa ulo magpalaki ng mga anak, pero hinde naman dapat gawin iyon na problema. Mas mainam kung magagawan ng paraan para maging maganda ang pagsasama at masaya ang buhay.
Para sa kin kayamanan ang aking mga anak, anghel sila na hulog ng langit kahit ubod sila ng kulit. Kahit na minsan ako’y galit, ang pagmamahal ko ay hindi nababawasan bagkus nadadagdagan pa. Kaibigan nila akong maituturing lalo na sa panahon ng pangangailangan. Kung may mga bagay man na hindi pa nila maunawaan sa ngayon, alam kong darating ang panahon na kami’y magkakaintindihan. At ang lahat ng ito’y aking sentimyento bila isang ina na walang hangad kundi ang mapabuti sila. Ang magulang, baw!
Posted in Daily Dose
